Litaniæ de S. Antonio Paduano
Kyrie, eleison. Christe, eleison. Kyrie, eleison.
Christe, audi nos. Christe, exaudi nos.
Pater de caelis Deus, miserere nobis.
Fili, redemptor mundi Deus, miserere nobis.
Spiritus sancte Deus, miserere nobis.
Sancta Trinitas, unus Deus, miserere nobis.
Sancta Maria, ora pro nobis.
Sancta Dei Genitrix,
Sancta Virgo Virginum,
Sancte Antoni de Padua,
Sancte Antoni, Ordinis Minorum decus,
Sancte Antoni, lilium virginitatis,
Sancte Antoni, gemma paupertatis,
Sancte Antoni, forma obedientiae,
Sancte Antoni, speculum abstinentiae,
Sancte Antoni, vas redolens puritatis,
Sancte Antoni, stella splendens sanctitatis,
Sancte Antoni, ornamentum morum,
Sancte Antoni, pulchritudo paradisi,
Sancte Antoni, arca Testamenti,
Sancte Antoni, armarium divinarum Scripturarum,
Sancte Antoni, doctor veritatis,
Sancte Antoni, praedicator gratiae,
Sancte Antoni, exstirpator vitiorum,
Sancte Antoni, seminator virtutum,
Sancte Antoni, malleus haereticorum,
Sancte Antoni, pavor infidelium,
Sancte Antoni, consolator afflictorum,
Sancte Antoni, conscientiarum scrutator,
Sancte Antoni, martyr desiderio,
Sancte Antoni, terror daemonum,
Sancte Antoni, horror inferni,
Sancte Antoni, iugis patrator miraculorum,
Sancte Antoni, rerum deperditarum restitutor,
Propitius esto. Parce nobis, Domine.
Propitius esto. Exaudi nos, Domine.
Ab omni malo, Libera nos, Domine.
Ab omni peccato,
Ab insidiis diaboli,
A peste, fame et bello,
A morte perpetua,
Per merita sancti Antonii,
Per ardentissimum amorem sancti Antonii,
Per propheticum spiritum sancti Antonii,
Per ignitam praedicationem sancti Antonii,
Per zelum martyrii sancti Antonii,
Per integerrimam observantiam obedientiae, paupertatis et castitatis sancti Antonii,
In die Iudicii,
Peccatores, te rogamus, audi nos.
Ut ad veram paenitentiam nos perducere digneris,
Ut ignem divini amoris in nobis accendere digneris,
Ut patrocinio ac protectione sancti Antonii nos perfrui concedas,
Ut meritis sancti Antonii veram contritionem, humilitatem, donum lacrimarum ac sanctam contemplationem tribuas,
Ut intercessione sancti Antonii mundum, diabolum ac carnem nos perfecte relinquere facias,
Ut sancti Antonii suffragiis se commendantibus in omni necessitate adesse digneris,
Ut nos exaudire digneris,
Fili Dei, Agnus Dei, qui tollis peccata mundi, parce nobis, Domine.
Agnus Dei, qui tollis peccata mundi, exaudi nos, Domine.
Agnus Dei, qui tollis peccata mundi, miserere nobis, Domine.
Christe, audi nos. Christe, exaudi nos.
Kyrie, eleison.
Christe, eleison.
Kyrie, eleison.
Pater noster etc.
Et ne nos inducas in tentationem
Sed libera nos a malo.
Domine exaudi orationem meam.
Et clamor meus ad te veniat.
Ecclesiam tuam, Deus, beati Antonii Confessoris tui commemoratio votiva laetificet, ut spiritualibus semper muniatur auxiliis, et gaudiis perfrui mereatur aeternis.
Subveniat plebi tuae, quaesumus, Domine, praeclari Confessoris tui beati Antonii devota et iugis deprecatio, quae in praesenti nos tua gratia dignos efficiat, et in futuro gaudia donet aeterna.
O advocate singularissime, sancte Antoni! quando nunc ita dulciter complecteris suavissimum Iesulum, recommendes eidem languentem hanc animam pauperculam, et impetra, ut ipsam ab omni peccatorum sorde immaculatam et mundam conservare valeam, quatenus amore et amplexu amantissimi digna reddi mereatuPer eundem Christum Dominum nostrum. Amen.
